Posts
வகுப்பு 6 ப1 இ3 கற்கண்டு மொழி முதல் இறுதி எழுத்துகள் வினா விடைகள்
இயல் மூன்று
கற்கண்டு - மொழி முதல், இறுதி எழுத்துகள்
மதிப்பீடு
1. மொழிக்கு முதலில் வரும் உயிர்மெய் எழுத்துகள் யாவை?
சொல்லின் முதலில் வரும் எழுத்துகள் மொழிமுதல் எழுத்துகள் ஆகும்.
க, ச, த, ந, ப, ம ஆகிய வரிசைகளில் உள்ள எல்லா உயிர்மெய் எழுத்துகளும் சொல்லின் முதலில் வரும்
ங - வரிசையில் ‘ங’ என்னும் ஓர் எழுத்து மட்டுமே சொல்லில் முதல் எழுத்தாக வருகிறது. எ.கா- ஙனம்
ஞ - வரிசையில் ஞ, ஞா, ஞெ, ஞொ ஆகிய நான்கு எழுத்துகளும் சொல்லின் முதலில் வரும்.
ய - வரிசையில் ய, யா, யு, யூ, யோ, யௌ ஆகிய ஆறு எழுத்துகளும் சொல்லின் முதலில் வரும்.
வ - வரிசையில் வ, வா, வி, வீ, வெ, வே, வை, வௌ ஆகிய எட்டு எழுத்துகளும் சொல்லின் முதலில் வரும
2. மொழிக்கு இறுதியில் வாரா மெய்யெழுத்துகள் யாவை?
சொல்லின் இறுதியில் உயிரெழுத்துகள் தனித்து வருவதில்லை.
ஆய்த எழுத்து சொல்லின் இறுதியில் வராது.
க், ங், ச், ட், த், ப், ற் ஆகிய ஏழு மெய் எழுத்துகளும் சொல்லின் இறுதியில் வருவதில்லை. உயிர்மெய் எழுத்துகளுள் ‘ங’ எழுத்து வரிசை சொல்லின் இறுதியில் வராது.
3. சொல்லின் இடையில் மட்டுமே வரும் எழுத்துகள் எவை?
மெய் எழுத்துகள் பதினெட்டும் சொல்லின் இடையில் வரும்.
உயிர்மெய் எழுத்துகள் சொல்லின் இடையில் வரும்.
ஆய்த எழுத்து சொல்லின் இடையில் மட்டுமே வரும்.
